ПЕРАД КАЛЯДАМІ

Мудрацы ў бездарожжы крок за крокам

дарогу шукаюць.

Мяркуюць, гадаюць...

Яны яшчэ мэты свайго падарожжа

не ведаюць і не маюць.

Нішто не дае мудрацам упэўненасці.

Толькі надзея вандруе з імі

ў зорнай сукенцы.

Хто ўсхваляваў пастухоў,

бедакоў, хто даў ім надзею?

Крочачы ўздоўж агароджы,

напружваюць сэрцы, вочы і вушы,

яны бачаць адчыненыя нябёсы.

Яны пакідаюць свой звыклы свет.

Песня анёлаў, словы радасці

вядуць іх да Дзіцяткі.