Вы можаце замовіць усе кнігі, якія выходзілі і рыхтуюцца да друку ў нашым выдавецтве.
|
Федэрацыя Еўрапейскага Скаўтынгу УМЕЛАСЦІ Кніжка «Умеласці» — гэта даведнік для скаўтаў і скаўтак, які ўключае апісанні і патрабаванні для 81 умеласці і 17 майстроўскіх умеласцяў. З яго дапамогай ты зможаш праверыць свае сілы і ўдасканаліцца ў цікавых і карысных спецыяльнасцях, каб выкарыстоўваць дары, якія Бог даверыў табе. Дары, якія ты ўжо распазнаў у сабе, і тыя, якія ты зможаш адкрыць падчас гэтых выпрабаванняў, каб навучыцца лепш служыць свайму бліжняму.
Духоўна-асветніцкае выданне. |
|
|
Марцэліна Мігач ISSM РАБІ З ІМ, ШТО ХОЧАШ Жыццё і дзейнасць арцыбіскупа Тадэвуша Кандрусевіча ад нараджэння да першых гадоў біскупскага служэння (1946-1991) Кніга прысвечана жыццю і дзейнасці арцыбіскупа Тадэвуша Кандрусевіча. У ёй асвятляецца перыяд з яго ранняга дзяцінства да пачатку біскупскай паслугі. Аўтар, карпатліва даследуючы на аснове архіваў генеалагічнае дрэва роду бацькоў іерарха і грунтуючыся на ўспамінах яго родных і шматлікіх сведкаў, набліжае да нас гісторыю хрысціянскага жыцця, паклікання і святарскага служэння Тадэвуша Кандрусевіча — першага біскупа для католікаў Беларусі, менаванага Янам Паўлам ІІ пасля доўгіх гадоў атэізму і пераследу.
Навукова-папулярнае выданне. |
|
|
МАЦІ БОЖАЯ РУЖАНЦОВАЯ, МАЛІСЯ ЗА НАС! Ружанцовыя разважанні У гэтай кнізе прапануюцца разважанні над таямніцамі Святога Ружанца, складзеныя на аснове пісьмовых сведчанняў святых — св. Фаўстыны Кавальскай, св. айца Піо з П’етрэльчыны, св. маці Тэрэзы з Калькуты, св. Яна Паўла ІІ, а таксама на аснове дакументаў папы Францішка і сведчанняў кардынала Казіміра Свёнтка. У «Дадатку» змешчаныя разважанні св. Максімільяна Марыі Кольбэ пра сутнасць даручэння сябе Беззаганнай, а таксама парады а. Рамана Шульца OP адносна Пампейскай навэнны. Выданне будзе карыснае ўсім, хто практыкуе ружанцовую малітву.
Духоўна-асветніцкае выданне. |
|
|
Тэкст і фота А. Яроменкі КАТАЛІЦКІЯ СВЯТЫНІ Пінская дыяцэзія. Пружанскі дэканат. Пружанскі раён Гэтае выданне працягвае серыю кніг пра каталіцкія святыні Беларусі. Сабраная інфармацыя будзе карысная ўсім, хто цікавіцца гісторыяй мясцовага Касцёла і хацеў бы даведацца пра святыні, якія існуюць на нашых землях, а таксама існавалі даўней, захаваліся ў руінным стане або былі знішчаныя. У гэтым выданні пададзена інфармацыя пра святыні Пружанскага раёна аднайменнага дэканата.
Навукова-папулярнае выданне. |
|
|
СЦЕЖКА БОЖАЙ КАРОЎКІ «Сцежка божай кароўкі» — гэта кніжка для тых дзяўчынак, якія толькі пачынаюць свой шлях у скаўтынгу. Дзякуючы гэтай кніжцы яны даведаюцца пра законы і малітвы божых каровак, правілы жыцця ў чарадзе, разам з чарадовай будуць набываць новыя навыкі і дасягненні, а таксама пазнаёмяцца з іншай карыснай інфармацыяй.
Духоўна-асветніцкае выданне. |
|
|
ПРАСІЦЕ І АТРЫМАЕЦЕ Літаніі. Навэнны. Вяночкі Кніга ўяўляе сабою збор навэннаў, літаній і вяночкаў да Пана Бога, Найсвяцейшай Панны Марыі і святых. У практыцы малітвы Касцёла літаніі, навэнны і вяночкі адыгрываюць вельмі важную ролю, часта выкарыстоўваюцца падчас адарацыі Найсвяцейшага Сакрамэнту, у падрыхтоўцы да ўрачыстасцяў і святаў, яны таксама звязаныя з магчымасцю атрымання адпустаў. У народнай пабожнасці гэтыя набажэнствы з’яўляюцца шанаванаю формаю прыватнай малітвы.
Духоўна-асветніцкае выданне. |
|
|
ПАСТЫР ПАВОДЛЕ БОЖАГА СЭРЦА Успаміны пра ксяндза прэлата Люцыяна Хмялёўца У гэтым выданні сабраныя ўспаміны пра ксяндза прэлата Люцыяна Хмялёўца, Генеральнага вікарыя Мінска-Магілёўскай архідыяцэзіі, сябра і памочніка кардынала Казіміра Свёнтка. Падчас пераследу Касцёла ён дапамагаў нашым продкам захаваць веру і потым дапамог знайсці шлях да Бога новым пакаленням вернікаў, аднаўляў парафіі і святыні. Сваімі ўспамінамі дзеляцца яго выхаванцы — духоўныя і свецкія асобы.
Духоўна-асветніцкае выданне. |
|
