2 верасня 2023 г. ў Мінскім катэдральным касцёле Імя Найсвяцейшай Панны Марыі адбыўся шэраг мерапрыемстваў, прысвечаных 225-годдзю з часу заснавання гістарычнай Мінскай рыма-каталіцкай дыяцэзіі.

У межах святкавання адбылася цырымонія ўзнагароджання.

Першым ганаровай граматай быў узнагароджаны папярэднік сённяшняга арцыпастыра — арцыбіскуп эмэрыт Тадэвуш Кандрусевіч.

Акрамя заслужанага іерарха, граматы ад імя арцыбіскупа Станеўскага атрымалі прадстаўнікі выдавецтва Мінска-Магілёскай архідыяцэзіі «Про Хрысто», каталіцкіх СМІ, супрацоўнікі дабрачынных арганізацый, удзельнікі малітоўных рухаў і евангелізацыйных супольнасцяў, навукоўцы і даследчыкі, стваральнікі музеяў і актыўныя парафіяне, а яшчэ шмат іншых людзей, якія рознымі дарамі служаць Касцёлу.