У выставачным цэнтры БелЭкспа (вул. Я. Купалы, 27) з 5 па 9 лютага 2014 г. праходзіла ХХІ Міжнародная кніжная выстав-кірмаш. Сярод мноства кніг на любыя густы вы тут знойдзеце і працы каталіцкага выдавецтва Pro Christo (стэнд № А6). Сярод іншага цікаваю будзе кніга польскага філосафа езуіта а. Юзафа Аўгустына «Чвэрць гадзіны шчырасці», паэтычны зборнік «Будслаў — прызнанне ў любові», дзіцячыя кнігі «...І няхай сабе вараб'і чырыкаюць» Ленэ Майер-Скуманц і «Першая Камунія з белым бантам» кс. Яна Твардоўскага.

Абавязковая для прачытання ўсім вернікам першая энцыкліка папы Францішка «Lumen Fidei» — «Святло веры». Напярэдадні Вялікага посту вельмі дарэчы будуць разважанні с. Нунэ Цітаян «Крыж і Пасха». А пазней падрыхтаваць святочны стол дапаможа кніга Марыны Новікавай «Пасха. Традыцыйныя і сучасныя стравы да святочнага стала».

Заўсёды нешта цікавае можна знайсці ў часопісах «Ave Maria» і «Наша вера».