3 кастрычніка 2013 г. Папа Францішак прыняў удзельнікаў канферэнцыі Папскай рады «Iustitia et pax», якая адбываецца ў Рыме з нагоды 50-годдзя энцыклікі Яна ХХІІІ «Pacem in terris» («Мір на зямлі») і ў якой прымаў ўдзел Мітрапаліт Мінска-Магілёўскі арцыбіскуп Тадэвуш Кандрусевіч. Падчас аўдыенцыі Мітрапаліт асабіста сустрэўся з Папам.

Беларускі іерарх перадаў Пантыфіку яго першую энцыкліку «Lumen fidei» («Святло веры»), перакладзеную і выдадзеную на беларускай мове. Таксама беларускі Іерарх паінфармаваў Святога Айца аб тым, што ў верасні ў Мінску адбылася яе прэзентацыя. Святы Айцец падзякаваў і ўважліва перагледзеў выданне.