Вы можаце замовіць усе кнігі, якія выходзілі і рыхтуюцца да друку ў нашым выдавецтве.

Юзаф Аўгустын САКРАМЭНТ ПАКАЯННЯ Указанні для пэнітэнта і спаведніка Пераклад з польскай Ірыны Бурак Кніга будзе карысная ўсім, хто хоча больш свядома і плённа прыступаць да сакрамэнту пакаяння. Яна прызначана і для пэнітэнтаў, і для спаведнікаў. Аўтар дае асабістае сведчанне, прыводзіць пэўныя практычныя інструкцыі для спаведнікаў і закранае асноўныя пытанні, якія датычаць споведзі: што такое сакрамэнт пакаяння? Якая роля святара? Як чалавек перажывае раскаянне? Вялікая ўвага ўдзяляецца магчымым праблемам у адносінах паміж пэнітэнтам і спаведнікам, а таксама спосабам іх вырашэння. Духоўна-асветніцкае выданне. На рускай мове. Фармат 84x108 1/32 (125x195 mm). 288 с. ISBN 978-985-7316-21-2. Дата выдання: красавік 2025 г.
Пётр Кеневіч МІС СУЖЭНСКІ ЛАБІРЫНТ Пераклад з польскай Ганны Шаўчэнка. Любові трэба вучыцца ўсё жыццё, ад нараджэння да адыходу ў вечнасць. Асабліваю школаю любові з’яўляецца сужэнства — саюз дваіх людзей і найцудоўнейшая справа Бога. На гэтым шляху закаханых заўсёды чакаюць самыя непрадбачаныя сцежкі, узлёты і падзенні, якія цяжка пераадолець без мудрага Божага кіраўніцтва, без шматлікіх духоўных арыенціраў, якія дае чытачам аўтар гэтай кнігі. Ён шырока разглядае самыя распаўсюджаныя праблемы сужэнскага жыцця, паказвае небяспечныя «пасткі», якія могуць прывесці да разбурэння адносінаў і дае шматлікія парады па ўмацаванні сужэнскага кахання. Кніга будзе цікавая і карысная ўсім сужэнцам, якія клапоцяц­ца пра свае адносіны, нарачоным, якія збіраюцца заключыць шлюб, а таксама ўсім, хто займаецца праблематыкай сужэнскага жыцця. Духоўна-асветніцкае выданне. На беларускай мове. Фармат 60x90 1/16 (145x210 mm). 312 с. ISBN 978-985-7316-22-9. Дата выдання: красавік 2025 г.
Зборнік матэрыялаў У ІМЯ МІРУ І ДАБРАБЫТУ Калядная канферэнцыя Мінск, 9 студзеня 2025 г. У выданні змешчаны матэрыялы каляднай канферэнцыі «У імя міру і дабрабыту», якая адбылася ў Мінску 9 студзеня 2025 года. Арганізатарамі канферэнцыі з’яўляюцца Мінска-Магілёўская архідыяцэзія Рымска-каталіцкага Касцёла ў Рэспубліцы Беларусь і Апарат Упаўнаважанага па справах рэлігій і нацыянальнасцей Савета Міністраў Рэспублікі Беларусь. Духоўна-асветніцкае выданне. На беларускай (рускай) мовах. Фармат 60x84 1/16 (143x205 mm). 80 с., іл. ISBN 978-985-7316-20-5. Дата выдання: сакавік 2025 г.
DILEXIT NOS ЭНЦЫКЛІКА СВЯТОГА АЙЦА ФРАНЦІШКА АБ ЧАЛАВЕЧАЙ І БОСКАЙ ЛЮБОВІ СЭРЦА ЕЗУСА ХРЫСТА Энцыкліка DILEXIT NOS Святога Айца Францішка аб чалавечай і боскай любові Сэрца Езуса Хрыста скіраваная да ўсіх людзей добрай волі. «Прашу Пана Езуса Хрыста, – піша Пантыфік, – каб з Яго Найсвяцейшага Сэрца цяклі рэкі жывой вады для ўсіх нас, каб гаіць раны, якія мы сабе наносім, умацоў­ваць нашую здольнасць любіць і служыць, натхняць нас вучыцца ісці разам у кірунку справядлівага, салідарнага і братэрскага свету. І ўсё гэта аж да часу, калі мы разам будзем радасна святкаваць на гасціне Нябеснага Валадарства». Духоўна-асветніцкае выданне. На беларускай мове. Фармат 60x84 1/16 (128x200 mm). 160 с. ISBN 978-985-7316-19-9. Дата выдання: сакавік 2025 г.
ПАСТЫР СКАЛЕЧАНЫХ ДУШАЎ Успаміны пра айца Войцеха Навачыка ОМІ У брашуры змешчаны ўспаміны пра айца Войцеха Навачыка, місіянера аблата Марыі Беззаганнай, які ў 1939–1950 гг. служыў у Вашкевічах на Лідчыне, у Беліцы і Нецячы, затым быў арыштаваны і адпраўлены ў ссылку, у 1956 г. вызвалены і скіраваны на служэнне ў Навагрудак. Пра яго асобу апавядаюць біскуп Пінскай дыяцэзіі Антоні Дзям’янка, які быў пераемнікам айца Войцеха на святарскай працы ў навагрудскім фарным касцёле; сабрат айца Навачыка, айцец Казімір Янджэйчак ОМІ; а таксама былая парафіянка святара. Выданне будзе цікавае ўсім, хто неабыякавы да гісторыі Каталіцкага Касцёла ў Беларусі, а таксама прагне атрымаць яскравае сведчанне веры ў Бога і любові да чалавека. Духоўна-асветніцкае выданне. На беларускай мове. Фармат 60x90 1/16 (148x210 mm). 32 с., 16 л. іл. ISBN 978-985-7316-18-2. Дата выдання: лістапад 2024 г.
Федэрацыя Еўрапейскага Скаўтынгу УМЕЛАСЦІ Кніжка «Умеласці» — гэта даведнік для скаўтаў і скаўтак, які ўключае апісанні і патрабаванні для 81 умеласці і 17 майстроўскіх умеласцяў. З яго дапамогай ты зможаш праверыць свае сілы і ўдасканаліцца ў цікавых і карысных спецыяльнасцях, каб выкарыстоўваць дары, якія Бог даверыў табе. Дары, якія ты ўжо распазнаў у сабе, і тыя, якія ты зможаш адкрыць падчас гэтых выпрабаванняў, каб навучыцца лепш служыць свайму бліжняму. Духоўна-асветніцкае выданне. На беларускай мове. Фармат 60x90 1/16 (120x150 mm). 168 с. ISBN 978-985-7316-16-8. Дата выдання: кастрычнік 2024 г.
Марцэліна Мігач ISSM РАБІ З ІМ, ШТО ХОЧАШ Жыццё і дзейнасць арцыбіскупа Тадэвуша Кандрусевіча ад нараджэння да першых гадоў біскупскага служэння (1946-1991) Кніга прысвечана жыццю і дзейнасці арцыбіскупа Тадэвуша Кандрусевіча. У ёй асвятляецца перыяд з яго ранняга дзяцінства да пачатку біскупскай паслугі. Аўтар, карпатліва даследуючы на аснове архіваў генеалагічнае дрэва роду бацькоў іерарха і грунтуючыся на ўспамінах яго родных і шматлікіх сведкаў, набліжае да нас гісторыю хрысціянскага жыцця, паклікання і святарскага служэння Тадэвуша Кандрусевіча — першага біскупа для католікаў Беларусі, менаванага Янам Паўлам ІІ пасля доўгіх гадоў атэізму і пераследу. Навукова-папулярнае выданне. На польскай мове. Фармат 70x100 1/16 (165x235 mm). 208 с., 36 л. іл. ISBN 978-985-7316-17-5. Дата выдання: кастрычнік 2024 г.