Прапануем вашай увазе поўны тэкст кнігі вядомай аўстрыйскай пісьменніцы Ленэ Майер-Скуманц «Бэтлеемская зорка», якая разлічана пераважна на дзяцей і складаецца з невялікіх займальных апавяданняў, п’есаў, вершаў, цікавых гісторый, звязаных з нараджэннем Божага Сына.

Многія творы гэтай кнігі надзвычай прыдатныя для дзіцячых спектакляў, якія могуць ставіцца ў перыяд Нараджэння Пана — і на школьнай сцэне, у касцёле, і ў лялечным тэатры... Яны не патрабуюць адмысловых дэкарацый, маюць невялікую колькасць герояў і нескладаныя для падрыхтоўкі. Такім чынам, дзеці з задавальненнем будуць удзельнічаць у стварэнні каляднага свята.